Описание
Әлеге уку әсбабы биш бүлектән тора.
Беренчесе: Ислам әхлагының аңлатмасы – әхлакның төп нигезләре, динебездәге урыны, әхлак тәрбияләүнең максатлары, көнбатыш этикетыннан аермалары һәм әхлак тәрбияләүнең методлары.
Икенчесе: Мөселманның әхлакый вазифалары – Аллаһы Тәгаләгә карата; Пәйгамбәр ﷺ гә карата; үзебезгә карата; гаиләгә карата; туганнарга карата; күршеләргә карата; Ватан һәм милләткә карата; бөтен кешелеккә карата.
Өченчесе: Мөселманның холкында булырга тиешле күркәм сыйфатлар – тугрылык; мәрхәмәтлелек һәм йомшак күңеллелек; ярдәмләшү һәм юмартлык; әдәп һәм оят; шөкер итү; тырышлык; сабырлык; әманәт; гаделлек; хакларны үтәү; вәгъдәдә тору; дуслык һәм иптәшлек; олыларга хөрмәт һәм сабыйларны ярату.
Дүртенчесе: Мөселманның холкында булмаска тиешле ямьсез сыйфатлар – гайбәт; яла ягу; ялган сөйләү; тәкәбберлек; исраф; көнчелек; урлау; кеше үтерү; исерткеч эчү; отышлы уеннар уйнау; зина кылу.
Бишенчесе: Исламда әдәп кагыйдәләре – сәламләшү; ашау-эчү; бәдрәфкә керү; киенү; йокы; төчкерү; гыйлем алу; мәчет; Коръән Кәримгә карата; сәфәр; мәҗлес; дога кылу; тәүбә итү; авыруның хәлен белү; вафат булган кешене соңгы юлга озату һәм каберләрне зиярат итү.
Уку әсбабы мәчетләрдә укучы шәкертләр өчен махсус әзерләнде. Шулай ук, Ислам дине нигезләре, Исламның әхлакый кыйммәтләрен белергә теләүчеләр өчен дә файдалы булыр дип ышанабыз.
Ислам әхлагы һәм әдәпләре: мәчетләр каршындагы курслар өчен уку әсбабы. – Казан: ТР ФА «Исламны өйрәнү үзәге», 2017/1438. – 176 бит.
